काठमाडौं । बुहारीको हत्या गरेको अभियोगमा एक जना पक्राउ परेका छन् । पक्राउ पर्नेमा काभ्रेपलाञ्चोकको नमोबुद्ध नगरपालिका–८, दाप्चाका ४२ वर्षीय सुदर्शन अधिकारी छन् ।

पक्राउ परेका अधिकारीले ३७ वर्षीया बुहारी रञ्जना तिमल्सिनालाई बञ्चरो प्रहार गरेर हत्या गरेको अभियोग रहेकाे जिल्ला प्रहरी कार्यालय, काभ्रेका एसपी रविराज पौडेलले जानकारी दिए ।

उनका अनुसार टाउको र घाँटीमा बञ्चरो प्रहार गरी हत्या गरेको खबर आएपछि बिहीबार बिहान जिल्लाबाट डीएसपी कुमारविक्रम थापाको कमाण्डमा अपराधस्थलमा अनुसन्धानका लागि प्रहरी खटिएको थियो । त्यस क्रममा मृतक महिलाका जेठाजु सुदर्शन अपरास्थलबाट घटनामा प्रयोग गरिएको हतियारसहित पक्राउ गरेको पौडेलले बताए ।