Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , बैशाख ३१, २०८३
काठमाडौं । संघीय संसद्अन्तर्गतका विभिन्न तीन विषयगत समितिको बैठक आज बस्दैछ ।
संसद् सचिवालयका अनुसार कृषि, सहकारी तथा प्राकृतिक स्रोत समिति, महिला तथा सामाजिक मामिला समिति तथा राज्यव्यवस्था तथा सुशासन समितिले आ–आफ्ना कार्यक्षेत्रसँग सम्बन्धित महत्वपूर्ण विषयमा छलफल गर्ने भएका छन् ।
कृषि, सहकारी तथा प्राकृतिक स्रोत समितिको बैठकमा नेपाल कृषि अनुसन्धान परिषद् (नार्क) को समग्र अवस्था, अनुसन्धानात्मक गतिविधि र संस्थागत चुनौतीबारे विस्तृत प्रस्तुतीकरण हुने कार्यसूची रहेको छ ।
बैठकमा परिषद्ले सञ्चालन गरिरहेका कृषि अनुसन्धान कार्यक्रम, प्रविधि विकास, कृषकसम्म अनुसन्धानको पहुँच तथा बजेट व्यवस्थापनलगायत विषयमा गहन छलफल हुने जनाइएको छ ।
साथै, कृषि क्षेत्रको उत्पादन वृद्धि र आधुनिक प्रविधि विस्तारमा नार्कको भावी भूमिका सम्बन्धी विषयसमेत उठाइनेछ ।
त्यसैगरी, महिला तथा सामाजिक मामिला समितिको बैठकमा आदिवासी जनजाति आयोगको कामकारबाही विषयमा केन्द्रित छलफल हुने भएको छ ।
समितिले आदिवासी जनजाति आयोगका पदाधिकारीलाई आमन्त्रण गरी आयोगको हालसम्मको कार्यप्रगति, सेवा प्रवाह, देखिएका चुनौती र आगामी योजनाबारे जानकारी लिनेछ ।
यता, राज्यव्यवस्था तथा सुशासन समितिको बैठकमा काठमाडौं उपत्यकाभित्रको सुकुमबासी व्यवस्थापन प्रमुख एजेन्डाका रूपमा रहनेछ ।
बैठकमा अव्यवस्थित बसोबास, भूमि व्यवस्थापन, सहरीकरणको दबाब तथा दीर्घकालीन पुनर्स्थापनासम्बन्धी विषयमा सरोकारवाला निकायसँग छलफल गरिनेछ ।
समितिले स्थानीय तह, भूमि आयोग तथा सम्बन्धित मन्त्रालयसँग समाधानका सम्भावित उपायबारे परामर्श गर्ने तयारी गरेको छ ।
संसद् सचिवालयका अनुसार आजका बैठकहरूमा सम्बन्धित मन्त्रालयका प्रतिनिधि, आयोगका पदाधिकारी तथा विभिन्न सरकारी निकायका प्रमुखहरूको सहभागिता रहनेछ ।
© 2026 All right reserved to onlinenepal.com
Design & Developed By
