Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , बैशाख ३०, २०८३
काठमाडौं । सुकुम्बासी संघले अव्यवस्थित बस्ती खालि गराउने सरकारको कदमविरुद्ध आन्दोलन गर्ने भएको छ ।
बुधबार राजधानीमा पत्रकार सम्मेलन आयोजना गर्दै नेपाली कम्युनिष्ट पार्टीनिकट अखिल नेपाल सुकुम्बासी संघले देशभरका सुकुमबासीहरूको अधिकार र न्यायका लागि भोलि वैशाख ३१ गते आन्दोलन गर्ने घोषणा गरेको हो।
जसअनुसार संघले बिहान ५ बजेदेखि १० बजेसम्म पूर्वपश्चिम राजमार्ग ५ घण्टा ठप्प पार्ने घोषणा गरेको छ।
गुठी तथा बिर्ता पीडित समुदायमाथि भइरहेको जबर्जस्ती उठीवास र डोजर अभियानविरुद्ध उक्त कदम चाल्नुपरेको संघका अध्यक्ष अमर परियारले बताए ।
परियारले अदालतले सुकुम्बासी बस्ती खाली नगराउन अन्तरिम आदेश दिइसक्दा पनि कोहलपुरमा सुकुमबासी बस्तीमाथि डोजर चलाउने काम भएको भन्दै आपत्ति जनाए ।
सरकारले सर्वोच्च अदालतको आदेशमाथि धावा बोल्ने काम गरेको भन्दै उनले उक्त कुराको निन्दा गरे । उनले सरकार मात्र नभई नेपाली सेना आफैँ विवादमा आउने गरेर हस्तक्षेप गरेको भन्दै त्यसका विरुद्ध संघर्ष गरिने बताए ।
उनले घोषित चक्काजाम कार्यक्रम कुनै पार्टी वा संगठन विशेषको मात्र नभई देशभरका सुकुम्बासीहरूको साझा अधिकारका लागि भएकाले सबै पक्षलाई सहयोग गर्न समेत अपिल गरेका छन्।
© 2026 All right reserved to onlinenepal.com
Design & Developed By
