फेवातालको जग्गा बारे अध्ययन गर्न समिति गठन, ७ दिनको समय

अनलाइन नेपाल

सोमवार , चैत्र २३, २०८२

फेवातालको जग्गा बारे अध्ययन गर्न समिति गठन, ७ दिनको समय

काठमाडौं । पोखरास्थित फेवातालको चार किल्लाभित्रको जग्गाको हालको स्थिति यकिन गर्न ५ सदस्यीय छानबिन समिति गठन भएको छ।

भूमि व्यवस्था, सहकारी तथा गरिबी निवारण मन्त्रालयले भूमि व्यवस्था तथा अभिलेख विभागका महानिर्देशकको संयोजकत्वमा आज ५ सदस्यीय समिति गठन गरेको हो।

समितिले फेवातालको चार किल्ला सिमानाभित्रको जग्गाको हालको अवस्था र निर्माण भएका संरचना लगायतको अध्ययन गर्नेछ। फेवातालको क्षेत्रभित्र पर्ने सम्पूर्ण कित्ता जग्गाको यथार्थ विवरण संकलन गरी अभिलेखीकरण कार्य गर्ने तयारी छ।

फेवाताल क्षेत्रभित्र परेका निजी तथा सरकारी जग्गाको अवस्था, दर्ता स्थिति र प्रयोगको अवस्थाबारे विस्तृत अध्ययन गरिने मन्त्रालयले जनाएको छ।

मन्त्रालयले फेवाताल क्षेत्र संरक्षण र व्यवस्थापनलाई प्रभावकारी बनाउन समिति गठन गरेको हो। समितिलाई ताल क्षेत्रफल भित्रका सबै कित्ताको यकिन विवरणसहित प्रतिवेदन तयार पारी पेस गर्न ७ दिनको समय दिइएको मन्त्रालयले जनाएको छ।

पछिल्लो समय प्रधानमन्त्री बालेन शाहले फेवाताल संरक्षणमा चासो देखाएपछि पोखरा महानगरले अतिक्रमित फेवाताल क्षेत्र खाली गराउने अभियान सुरू गरेको थियो। यसमा गृहमन्त्री सुधन गुरुङले भाडामा लिएको जग्गा पनि परेको छ ।

यसबारे गृहमन्त्री गुरुङले कानूनी बाटो रोज्ने बताइसकेका छन् भने जग्गाधनीले भाडा नतिरेको भनेर आरोप लगाएका समाचारहरु बाहिरिएका छन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

फेवातालको जग्गा बारे अध्ययन गर्न समिति गठन, ७ दिनको समय