Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , फाल्गुण २७, २०८२
कैलाली । कैलाली क्षेत्र नम्बर २ बाट प्रतिनिधिसभा सदस्यका लागि स्वतन्त्र उम्मेदवारी दिएका एक उम्मेदवारले निर्वाचन खर्चको विवरण सार्वजनिक गरेका छन् ।
‘क्यामेरा’ चुनाव चिह्न लिएर स्वतन्त्र उम्मेदवार बनेका दिपक रावलले जिल्ला निर्वाचन कार्यालय कैलालीमा बुझाएको अनुसूची–४१ बमोजिमको खर्च विवरणमा भोड्का र लोकल रक्सीको खर्चसमेत आधिकारिक रूपमा उल्लेख गरेका हुन् ।
रावलले आफ्नै हस्तलिपिमा बुझाएको विवरणको क्रम संख्या ७ मा खर्चको शीर्षक ‘स्वयम्सेवक, ८८४८, भोड्का, लोकल’ राख्दै कार्यकर्ता र स्वयम्सेवकको ‘साँझपख थकाइ मेटान (१५ दिन)’ का लागि रक्सी खर्च भएको उल्लेख गरेका छन् ।
उनले १५ दिनसम्म थकाइ मेट्न भन्दै भोड्का र लोकल रक्सीमा मात्रै ४५ हजार ५ सय रुपैयाँ खर्च भएको विवरण पेश गरेका छन् । रक्सी सत्कार र प्रचारप्रसारमा खर्च भए पनि निर्वाचन परिणाम भने रावलका लागि निकै निराशाजनक रह्यो ।
यस क्षेत्रमा राष्ट्रिय स्वतन्त्र पार्टीका केपी खनाल लगायतका उम्मेदवारसँग प्रतिस्पर्धा गरेका रावलले जम्मा १६ भोट मात्र प्राप्त गरेका छन्।
उनको कुल चुनावी खर्च २ लाख ३६ हजार ५ सय रुपैयाँ पुगेको देखिन्छ । रावलले आयोगमा बुझाएको खर्च विवरणमा मनोनयन दर्ता दस्तुर १०,००० रुपैयाँ, सवारी साधन र इन्धन ५५,००० रुपैयाँ, २६ वडा घरदैलो (खाना–खाजा) ४५,५०० रुपैयाँ, झण्डा, ब्याच, ब्यानर, स्टिकर छपाइ ३५,००० रुपैयाँ, विविध मिडिया खर्च २५,५०० रुपैयाँ, पानी, चिया, स्टेसनरी २०,००० रुपैयाँ र रक्सी (थकाइ मेटान–१५ दिन) ४५,५०० रुपैयाँ उल्लेख छ ।
निर्वाचन खर्च पारदर्शी बनाउने बहस चलिरहेका बेला ‘थकाइ मेटान’ भन्दै ब्रान्ड नै तोकेर मदिराको खर्च विवरण बुझाएको रावलको यो कागजात यतिबेला सामाजिक सञ्जालमा भाइरल बनेको छ ।
© 2026 All right reserved to onlinenepal.com
Design & Developed By
