Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , पौष ४, २०८२
काठमाडौं । अमेरिकाले एकैदिन ७५ जना नेपालीलाई डिपोर्ट (देश निकाला) गरेको छ ।
बिहीबार अमेरिकाले एकैदिन डिपोर्ट गरेका ६ महिलासहित ७५ नेपाली चार्टर्ड विमानमार्फत् बिहीबार काठमाडौं आइपुगेका हुन् ।
अध्यागमन विभागका अनुसार हालसम्म अमेरिकाबाट देश निकालामा परेका नेपालीको संख्या ४६३ पुगिसकेको छ ।
यसअघि गत भदौ १९ गते अमेरिकाले यसैगरी एकैदिन ठूलो संख्यामा नेपालीलाई डिपोर्ट गरेको थियो । अमेरिकाले २०८२ जेठ २५ गते पनि एकसाथ डिपोर्ट गरी पठाएका ३७ जना नेपाली काठमाडौं आइपुगेका थिए । सन् अमेरिकाले २०२४ मा पहिलो पटक ३५ जना नेपालीलाई डिपोर्ट गरेको थियो । उनीहरुलाई पनि अमेरिकाले चार्टर्ड विमानमा नेपाल पठाइएको थियो ।
अमेरिकामा बस्नका लागि कानुनी आधार स्थापित नगर्ने नेपाली नागरिकहरू डिपोर्ट गरिएको अमेरिकाले जनाउँदै आएको छ ।
राष्ट्रपतिमा डोनाल्ड ट्रम्पले २०२५ जनवरी २० मा शपथ लिएसँगै अमेरिकाले आप्रवासीसम्बन्धी कडा कदम चाल्ने घोषणा गरेका थिए । शपथ लिएलगत्तै उनले अवैध आप्रवासीलाई निष्कासन गर्नेसम्बन्धी एक कार्यकारी आदेशमा हस्ताक्षर गरेका थिए ।
त्यसपछि ट्रम्प प्रशासनले निष्कासित गर्ने एक हजार ३६५ नेपालीसहित १४ लाख ४५ हजार ५४९ जना आप्रवासीको सूची सार्वजनिक गरेको थियो । उनीहरू सबैमाथि अवैध तरिकाले अमेरिकामा बसोबास गरेको आरोप लगाइएको थियो ।
त्रिभुवन विमानस्थलमा आइपुगेपछि उनीहरूलाई नेपाल प्रहरीले सोधपुछ गर्ने गरेको छ । प्रायः अवैध बाटोमार्फत् अमेरिका पुगेकाहरु डिपोर्टमा पर्ने गरेका छन् ।
© 2026 All right reserved to onlinenepal.com
Design & Developed By
