काठमाडौं । सर्वोच्च अदालत दसैँका अवसरमा असोज ६ गते घटस्थापनादेखि असोज २० गते कोजाग्रत पूर्णिमासम्म बिदा रहने भएको छ ।
सर्वोच्चले बिहीबार सार्वजनिक गरेको सूचनामा न्याय प्रशासन ऐन, २०७३ को दफा २६ बमोजिम सो अवधिमा अदालत बन्द रहने उल्लेख छ ।
तर, घटस्थापना, विजया दशमी, कोजाग्रत पूर्णिमा र शनिबार बाहेकका दिनमा बिहान ११ बजेदेखि अपराह्न ३ बजेसम्म मात्र बन्दीप्रत्यक्षीकरणसम्बन्धी रिट निवेदनको सुनुवाइ हुने व्यवस्था गरिएको छ ।
यस क्रममा नियमित मुद्दा, पेशी तथा प्रशासनिक कामकाज भने हुने छैनन् ।