काठमाडौं । नेपाली बजारमा आज (सोमबार) सुनको मूल्य स्थिर छ भने चाँदी बढेको छ।
आइतबार प्रतितोला एघार सय रूपैयाँले घटेको सुनको मूल्य आज स्थिर रहेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ९३ हजार ६ सय रूपैयाँमा कारोबार भइरहेको छ।
यस्तै, सोमबार चाँदीको मूल्य भने पाँच रूपैयाँ बढेको छ। आइतबार प्रतितोला दुई हजार दुई सय ९० रूपैयाँमा कारोबार भएको चाँदी सोमबार प्रतितोला दुई हजार दुई सय ९५ रूपैयाँमा किनबेच भइरहेको छ।