अनलाइन नेपाल
बागलुङ । बागलुङमा पिकअप जीप दुर्घटना हुँदा ११ जना घाइते भएका छन्।
सोमबार दिउँसो ग१ ज ५७०५ नम्बरको जिप दुर्घटना हुँदा ११ जना घाइते भएका हुन् ।
प्रहरीका अनुसार दुर्घटनामा परी घाइते हुनेहरूमा गलकोट नगरपालिका-१ की ३० वर्षीया मुना विक, जुम्लाको कन्का सुन्दरी गाउँपालिका-२ का २६ वर्षीय प्रेम रावल, रुकुम पश्चिम बाधिकोट गाउँपालिका-६ का ३२ वर्षीय सुदर्शन कुसारी, बागलुङको तमानखोला-१ का २९ वर्षीय सचिन विक, सोहो ठाउँ बस्ने ६३ वर्षीया इन्द्रकुमारी गिरी, ५२ वर्षीया मनसरी शेरचन, बागलुङको तमानखोला गाउँपालिका-२ की २० वर्षीया झरना गिरी रहेका छन् ।
यसैगरी घाइते हुनेहरूमा बागलुङको तमानखोला गाउँपालिका-१ की २५ वर्षीया बसन्ती मगर, बागलुङको तमानखोला गाउँपालिका-१ का २७ वर्षीय जिप चालक सुशील रसाइली रहेका छन् ।
यसैगरी घाइते हुनेमा रुकुम पश्चिम चौरजहारी नगरपालिका-१३ का २३ नवीन मल्ल र बागलुङको तमानखोला गाउँपालिका-१ का १२ वर्षीय मनी मगर रहेका छन् ।
घाइते मध्ये २ जनालाई थप उपचारका लागि धौलागिरी प्रादेशिक अस्पताल बागलुङ पठाइएको प्रहरीले जनाएको छ । प्रहरीका अनुसार अन्य घाइतेहरूको बुर्तिबाङ अस्पतालमा उपचार भइरहेको छ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply