खानेपानी मन्त्रालयमा लागेको आगो नियन्त्रणमा, कागजात जलेर ध्वस्त

अनलाइन नेपाल

शनिवार , माघ २६, २०८१

काठमाडौं । खानेपानी मन्त्री प्रदीप यादवको कार्यकक्षमा आगलागी भएको छ ।

आगलागीबाट सिंहदरबारस्थित खानेपानी मन्त्रालयका चौथो तलामा रहेका तीन वटा कोठामा क्षति भएको हो ।

चौथो तलामा खानेपानी मन्त्रीको कार्यकक्षसमेत रहेको छ । प्रहरीका अनुसार तीनवटा कोठामा रहेको भौतिक संरचनामा क्षति भएको छ ।

साथै त्यहाँ रहेका कागजातसमेत जलेर ध्वस्त भएको प्रहरीले जनाएको छ।अरु कुन-कुन कार्यकक्ष थियो भन्ने खुलेको छैन।

सिंहदरबार प्रहरीका अनुसार खानेपानी मन्त्रालयको चौथो तलामा बिहान साढे ८ बजेको समयमा आगलागी भएको थियो ।

आगलागी १५ मिनेटको प्रयासमा नियन्त्रणमा आएको थियो । उक्त मन्त्रालयको भवनभित्र भौतिक पूर्वाधार तथा यातायात मन्त्रालयसमेत रहेको छ ।

आगलागी के कारण भयो भन्नेबारे खुलेको छैन ।

प्रतिक्रिया दिनुहोस्

नयाँ अपडेट

थप नयाँ अपडेट

रावल आयोग प्रतिवेदन कार्यान्वयन गर्न ८ सदस्यीय सहजीकरण समिति गठन