Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
बिहिवार , माघ २४, २०८१
धनगढी । सुदूरपश्चिम प्रदेश सरकार र बयालपाटा अस्पताल, अछामका पदाधिकारी तथा सरोकारवालाबीच महत्वपूर्ण छलफल भएको छ ।
सुदूरपश्चिम प्रदेशका मुख्यमन्त्री कमल बहादुर शाहको अध्यक्षतामा बिहीबार मुख्यमन्त्री तथा मन्त्रिपरिषद्को कार्यालय, धनगढीमा छलफल भएको हो ।
छलफलका क्रममा बयालपाटा अस्पतालको बजेट व्यवस्थापन, सेवा प्रवाहको सुदृढीकरण, स्वास्थ्य पूर्वाधारको विकास तथा प्रदेश सरकारको भूमिकाका विषयमा गहन विमर्श भएको छ । स्रोतका अनुसार बैठकमा अस्पतालका प्रतिनिधिहरूले आवश्यक बजेट, जनशक्ति व्यवस्थापन तथा अस्पतालमा आउने बिरामीहरूको चापका सम्बन्धमा प्रदेश सरकारलाई जानकारी गराएका थिए ।
मुख्यमन्त्री शाहले स्वास्थ्य क्षेत्रमा सुदूरपश्चिम सरकारको विशेष चासो रहेको बताउँदै अस्पतालको दिगो सञ्चालनका लागि आवश्यक पहल गरिने प्रतिबद्धता व्यक्त गरेका छन् । पछिल्लो समय आर्थिक अभावका कारण अस्पतालले दिने सेवा प्रभावित हुँदै आएका छन् ।
कर्मचारीलाई समेत तलब खुवाउन आर्थिक नभएपछि अस्पतालको अवस्था नाजुक बन्दै गएको छ । त्यहाँका सरोकारवाला र नागरिकहरु अस्पतालको जिम्मा प्रदेश सरकारले लिनु पर्ने माग गर्दै आएका छन् ।
बिहीबार बिहानको छलफलमा मुख्यमन्त्री शाह, सामाजिक विकासमन्त्री मेघराज खड्का, अस्पतालका पदाधिकारी, विभिन्न राजनीतिक दलका प्रतिनिधि र सरोकारवालाहरुको सहभागिता रहेको थियो ।
© 2026 All right reserved to onlinenepal.com
Design & Developed By
