काठमाडौं । नेपाल राष्ट्र बैंकका गभर्नर महाप्रसाद अधिकारीले बैंकहरूमा समस्या नरहेको बताएका छन् ।
बिहीबार राष्ट्रिय वाणिज्य बैंकको ६०औँ वार्षिक साधारणसभाको समारोहलाई सम्बोधन गर्दै उनले यस्तो बताएका हुन् ।
राष्ट्र बैंकले नियमन गर्ने कुनै पनि बैंक तथा वित्तीय संस्था समस्यामा नपरेको जिकिर गरे । उनले भने, 'सधैँ उस्तै भन्ने हुँदैन। कहिलेकाहीँ कुनै बैंक वा वित्तीय संस्थामा समस्या देखिन सक्छ। तर, यसले सबै बैंक समस्यामा छन् भन्ने बुझाउँदैन। अफवाहमा लाग्नु भएन।'
यस्तै गभर्नर अधिकारीले वाणिज्य बैंकको पुँजी पुरसंरचना गर्नुपर्ने समय आएको बताए ।