कैलाली । मकर सङ्क्रान्तिका अवसरमा सुदूरपश्चिमको प्रसिद्ध धार्मिकस्थल कैलालीको गोदावरी धाममा माघी स्नान गर्न आउने तीर्थालुको घुइँचो लागेको छ ।

यहाँ आज मंगलबार बिहानैदेखि तीर्थालुको घुइँचो लागेको हो । स्नान गर्न जाने र फर्किनेको भिड भएकाले ठाउँ–ठाउँमा ट्राफिकजाम समेत भइरहेको छ ।

कैलाली कञ्चनपुरका स्थानीयसँगै पहाडी जिल्ला र सीमावर्ती भारतका विभिन्न ठाउँबाट गोदावरीमा भक्तजन आउने गरेका छन् ।

यस्तै गोदावरी धाममा सोमबारदेखि मकर मेला पनि सुरु भएको छ ।