दाङ। दाङमा बस दुर्घटना हुँदा २१ जना घाइते भएका छन् ।

घोराहीबाट तुलसीपुर जाँदै गरेको रा १ ख १३८२ नम्बरको बस बिजौरीको डाँडागाउँनेर दुर्घटना हुँदा २१ जना घाइते भएका हुन्।

घाइते ३ जनाको अवस्था गम्भीर रहेको प्रहरीले जनाएको छ ।

घाइतेहरुको राप्ती प्रादेशिक अस्पताल तुलसीपुरमा उपचार भइरहेको जिल्ला प्रहरी कार्यालय दाङले जनाएको छ ।

बस चालक घोराही-१० का मनोज चौधरी फरार छन् । बस सडकबाट करिब तीन मिटर तल खसेको छ।