चितवन । चितवनको उपरदाङगढीमा पिकनिक खाएर फर्कँदै गरेको स्कुल बस दुर्घटनामा परेको छ ।

कालिका नगरपालिका-४ पदमपुरस्थित चित्रवन माविको मधेश प्रदेश ०३–०११ क २६७७ नम्बरको बस आज साँझ ५ बजे कालिका नगरपालिका-९ द्रब्यटारमा बस दुर्घटनामा परेको हो ।

जिल्ला प्रहरी कार्यालय चितवनका अनुसार दुर्घटनामा चालकसहित १८ जना विद्यार्थी घाइते छन् । घाइतेमध्ये एक जनाको अवस्था गम्भीर रहेको छ ।

अहिले चितवन मेडिकल कलेजमा १० र पुरानो मेडिकल कलेजमा ८ जनाको उपचार भइरहेको प्रहरीले जनाएको छ ।

३० जना विद्यार्थी सहित ३६ जना बसमा सवार रहेको बताइएको छ । पिकनिक खाएर फर्किँदै गर्दा ब्रेक फेल भएर सवारी दुर्घटना भएको प्रहरीले जनाएको छ ।