काठमाडौंका छुट्टाछुट्टै स्थानमा तीन शव फेला

अनलाइन नेपाल

शनिवार , मंसिर ८, २०८१

काठमाडौंका छुट्टाछुट्टै स्थानमा तीन शव फेला

काठमाडौं । काठमाडौंका छुट्टाछुट्टै स्थानमा शनिबार तीनजना मृतावस्थामा भेटिएका छन् । प्रहरी प्रधान कार्यालयका अनुसार गोकर्णेश्वर नगरपालिका, टोखा र दक्षिणकालीमा शव भेटिएका हुन् ।

गोकर्णेश्वर–१, सुन्दरीजलस्थित निमा तामाङको घरको आँगनमा सोलुखुम्बुका ५२ वर्षीय नरबहादुर राई मृत फेला परेका छन् ।

यस्तै, टोखा नगरपालिका–१०, खरिबोटस्थित सत्कार खाजा पसलका सञ्चालक सुनसरीको धरान उपमहानगरपालिकाका ५५ वर्षीय अर्जुनकुमार राई आफ्नै खाजा पसलअगाडि मृत फेला परेका छन् ।

दक्षिणकाली नगरपालिका–६ स्थित दक्षिणकाली सांस्कृतिक क्षेत्र सुधार समितिको जंगलको पानीट्यांकीनजिक खोल्सामा शनिबार बिहान एक पुरुष मृत भेटिएका प्रहरीले जनाएको छ ।

अन्दाजी ६० वर्षीय ती पुरुषको पहिचान खुलेको छैन । तीनै घटनाबारे प्रहरीले अनुसन्धान थालेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

काठमाडौंका छुट्टाछुट्टै स्थानमा तीन शव फेला