मन्त्री पाण्डेसँग बजगाईंले मागे माफी, भने - मन्त्रीजीलाई चोट परेको पाएँ, क्षमाप्रार्थी छु

अनलाइन नेपाल

बुधवार , मंसिर ५, २०८१

मन्त्री पाण्डेसँग बजगाईंले मागे माफी, भने - मन्त्रीजीलाई चोट परेको पाएँ, क्षमाप्रार्थी छु

काठमाडौं । सांसद राजेन्द्र बजगाईंले संस्कृति पर्यटन तथा नागरिक उड्डयनमन्त्री बद्री पाण्डेसँग माफी मागेका छन् । सामाजिक सञ्जाल एक्समार्फत आफूले दिएको अभिव्यक्तिले सम्बन्धित व्यक्ति र परिवारलाई चोट पुगेको भन्दै क्षमा मागेका हुन् । उनले लेखेका छन्,“सामाजिक सञ्जाल एक्स र फेसबुकमा मैले दिएको अभिव्यक्तिउपर केन्द्रीय कार्यालयमा महामन्त्री विश्वप्रकाश शर्मा र अनुशासन समिति संयोजक आनन्द ढुंगानासँग छलफल भयो । मैले लगाएको आरोपले मन्त्रीजीलाई निकै चोट परेको पाएँ । त्यसकारण उक्त अभिव्यक्ति फिर्ता लिएको छु । टिप्पणीबाट परिवारजनमा परेको चोटप्रति पनि क्षमाप्रार्थी छु ।” नेपाली कांग्रेसको केन्द्रीय अनुशासन समितिले सांसद बजगाईंसँग स्पष्टीकरण लिएको थियो । केन्द्रीय अनुशासन समिति संयोजक आनन्दप्रसाद ढुंगाना नेतृत्वको समितिले सांसद बजगाईंलाई संस्कृति पर्यटन तथा नागरिक उड्डयनमन्त्री बद्री पाण्डेमाथि लगाएको आरोपबारे स्पष्टीकरण सोधेको थियो । सांसद बजगाईंले एक क्यासिनोलाई इजाजत दिँदा मन्त्री पाण्डेले भ्रष्टाचार गरेको आरोप लगाएका थिए ।

सामाजिक एक्स र फेसबुकमा मैले दिएको अभिव्यक्ति उपर केन्द्रीय कार्यालयमा महामन्त्री विश्वप्रकाश शर्मा र अनुशासन समिति संयोजक आनन्द ढुंगानासँग छलफल भयो l मैले लगाएको आरोपले वहाँ मन्त्रीजीलाई निकै चोट परेको पाएँ त्यसकारण उक्त लांछित अभिव्यक्ति फिर्ता लिएको छु l टिप्पणीबाट परिवारजनमा…
— Rajendra Bajgain (Raj) (@Rajgurkha) November 20, 2024

प्रतिक्रिया दिनुहोस्

नयाँ अपडेट

सुधन र सुनिललाई अँगालो हालेर प्रधानमन्त्री बालेन लेख्छन् - देश बनाउने टोली
१२ मिनेट अघि

01
02

बजेटले कर छुट देखाए पनि शिक्षा, स्वास्थ्य र विद्युतमा थप भार : गगन थापा
३५ मिनेट अघि
03

अछाममा मृत भेटिइन् महिला वडा सदस्य, सामाजिक सञ्जालमा भाइरल थियो भिडियो
१ घण्टा अघि
04

टेम्पो भिरमा खसालिएको घटनामा १० जना नियन्त्रणमा, वन कर्मचारीमाथि अनुसन्धान सुरु
१ घण्टा अघि

थप नयाँ अपडेट

मन्त्री पाण्डेसँग बजगाईंले मागे माफी, भने - मन्त्रीजीलाई चोट परेको पाएँ, क्षमाप्रार्थी छु