धनगढी । धनगढीमा प्रहरीले ३६ किलो चरेस बरामद गरेको छ ।

बुधबार साँझ धनगढी उपमहानगरपालिका-५ को लब्ली चोकबाट प्लास्टिकसहित ३६ किलो ६६५ ग्राम चरेस बरामद गरिएको हो ।

वडा प्रहरी कार्यालयका प्रमुख प्रहरी निरीक्षक योगेश खत्री नेतृत्वको टोलीले लब्ली चोकमा मोटरसाइकल चेकजाँच गर्दा चरेस बरामद गरेको जिल्ला प्रहरी कार्यालय कैलाले जनाएको छ ।

तर, चरेस बोकेको १०७२ नम्बरको एनएस प्लसरका चालक र पछाडि सवार भने फरार भएका छन् । उनीहरूको खोजी भइरहेको प्रहरीले जनाएको छ ।