Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
बुधवार , कार्तिक २८, २०८१
धनगढी । कैलालीमा आफ्नै साथीको प्रेमिकामाथि जबरजस्तीकरणी गरेको आरोपमा एकजना पक्राउ परेका छन् । पक्राउ पर्नेमा कैलारी गाउँपालिका-९ गदरियाका डिगा भनिने २४ वर्षीय रनबिर राना रहेका छन् ।
जिल्ला प्रहरी कार्यालय कैलालीका अनुसार सोही ठाउँ बस्ने १६ वर्षीया धनगढी-४९ लाई जबरजस्तीकरणी गरेको किटानी जाहेरीका आधारमा रानालाई पक्राउ गरिएको हो ।
ती किशोरी उनकै मिल्ने साथीको प्रेमिका भएको प्रहरी अनुसन्धानबाट खुलेको छ । प्रहरीका अनुसार युवतीको फोटो देखाएका आधारमा ती युवकले युवतीलाई फेसबुकमा साथी बनाए ।
उनीहरू दुवैको फेसबुकबाटै चिनजान भयो । उनीहरुले फेसबुकमै कुराकानी गर्न थाले । सोही क्रममा ती युवकले यही कार्तिक २४ गते राति किशोरीलाई उनको घर नजिकैको खेतबारी बोलाए । खेतबारीमै उनले ती युवतीमाथि जबरजस्तीकरणी गरे ।
किशोरी चिच्याएपछि स्थानीयले घटनाबारे थाहा पाएको प्रहरीले जनाएको छ । उक्त घटना गाउँमै मिलाउने प्रयास समेत भएको थियो तर पीडित पक्षले नमान्दा प्रहरीसम्म पुगेको हो । अहिले ती युवकलाई पक्राउ गरेर कैलाली प्रहरीले अनुसन्धान गरिरहेको छ ।
© 2026 All right reserved to onlinenepal.com
Design & Developed By
