काठमाडौं । प्रधानमन्त्री केपी शर्मा ओलीले पहिलो पटक विश्वकपमा छनोट भएको यू–१९ महिला क्रिकेट टोलीलाई बधाई दिएका छन् ।

प्रधानमन्त्री ओलीले सामाजिक सञ्चालमार्फत महिला टोलीलाई बधाई दिएका हुन् ।

प्रधानमन्त्री ओलीले भनेका छन्, ‘महिला क्रिकेटमा नेपालले पहिलो पटक विश्वकप खेल्नेछ बधाई टिम नेपाल ।’

बुधबार संयुक्त अरब इमिरेट्स (यूएई)को अजमानमा भएको खेलमा आयोजक यूएईमाथि आठ विकेटको ऐतिहासिक जित निकाल्दै नेपाल विश्वकपका लागि छनोट भएको हो ।

यू–१९ विश्वकप क्रिकेट अर्को वर्ष मलेसियामा आयोजना हुँदैछ ।