काठमाडौं । साफ महिला च्याम्पियनसिप २०२४ को फाइनलको दोस्रो हाफमा बंगलादेशले लिएको अग्रतालाई तोड्दै नेपालले बराबरी गोल गरेको छ ।

खेलको ५२ मिनेटमा नेपालको डिफेन्सको कमजोरीलाई उठाउँदै बंगलादेशका मोनिका चक्माले गोल गरेकी थिइन् ।

त्यसको चार मिनेटमा नेपालकी अमिशा कार्कीले गोल फर्काइन् ।

प्रतियोगितामा नेपाल लगातार तेस्रोपटक र बंगलादेश लगातार दोस्रोपटक फाइनल प्रवेश गरेका हुन् ।

नेपाल र बंगलादेशबीचको महिला साफ च्याम्पियनसीपको फाइनल खेल हेर्न प्रधानमन्त्री केपी शर्मा ओली पनि रङ्गशालामा पुगेका छन्।