गुल्मी । गुल्मीमा करेन्ट लागेर एक महिलाको मृत्यु भएको छ । जिल्लाको मालिका गाउँपालिका-२ दर्लिङ्ग अडारे निवासी २७ वर्षीया माया रोका मगरको उपचारको क्रममा मृत्यु भएको हो ।

जिल्ला प्रहरी कार्यालय गुल्मीका अनुसार सोमबार दिउँसो ३ बजेतिर आफ्नै घर लिप्ने क्रममा करेन्ट लागेर रोका घाइते भएकी थिइन् ।

घाइते भएकी रोका मगरलाई उपचारको लागि सोमबार साँझ जिल्लाको सदरमुकाम तम्घासस्थित गुल्मी अस्पतालमा ल्याइएको थियो। तर उनलाई उपचारको क्रममा राती अस्पतालले मृत घोषणा गरेको थियो।

मगर आफ्नै घरको बाहिर दलानमा लिप्ने क्रममा अचानक करेन्ट लागेर घाइते भएकी थिइन् ।