काठमाडौं । भाटभटेनी सुपरमार्केट्सका अध्यक्ष मीनबहादुर गुरुङले बाढी पीडितका लागि एक करोड ११ लाख ११ हजार १११ सहयोगको गरेका छन् ।

सोमबार प्रधानमन्त्री केपी शर्मा ओलीमार्फत् उनले सो सहयोग बाढी पीडितको उद्धार र राहतका लागि प्रदान गरेका हुन् ।

उनले पछिल्लो अविरल वर्षामा हजारौं नागरिक विस्थापित हुने अवस्था आएको भन्दै सरकारी राहत कोषमा सहयोग जम्मा गरेको बताए । संयुक्त राष्ट्रसंघको महासभामा सहभागी भएर फर्किएलगत्तै प्रधानमन्त्री केपी शर्मा ओलीलाई भेटेर भाटभटेनीका अध्यक्ष गुरुङ दम्पतीले चेक हस्तान्तरण गरेका थिए ।

छोटो भेटमा प्रधानमन्त्री ओलीले अध्यक्ष गुरुङलाई ‘मनकारी व्यवसायी’ भनेका थिए । बिहीबारदेखि परेको अविरल वर्षापछि देशभर २०९ जनाको मृत्यु भएको सरकारी तथ्यांक छ भने अझै पनि २९ जना बढी बेपत्ता छन्।