सिन्धुली । सिन्धुलीमा बाढीमा फसेकाहरूको हेलिकोप्टरमार्फत उद्धार गरिएको छ ।

अविरल वर्षासँगै को सुनकोसी गाउँपालिका १ नेपालथोक गजुरीदहस्थित रोशी खोलामा आएको बाढी र पहिरोका कारण तीन दिनदेखि बनेपा-सिन्धुली-बर्दिवास (बिपी) राजमार्ग अवरुद्ध हुँदा बीच बाटोमा फसेका ३४ जनालाई नेपाली र पाँच जना बेलायती नगारिकलाई निजी कम्पनीको हेलिकोप्टरमार्फत उद्धार गरिएको हो ।

सिन्धुली प्रहरीका अनुसार रोशी खोलामा आएको बाढीले राजमार्ग भत्काएर क्षति गर्दा अपलपत्र विदेशी नागरिकसहित, विरामी, वृद्ध तथा बालबालिकाहरू गरी ३४ जनालाई आइतबार साँझ ६ बजे हेलिकोप्टरमार्फत धुलिखेल पठाइएको हो।

त्यस्तै निजी कम्पनीको हेलिकोप्टरमार्फत सुनकोशी गाउँपालिकाको रातामाटाबाट पाँच जना बेलायती नागरीकको उद्धार गरेर काठमाडौं पठाइएको प्रहरीले जनाएको छ ।