काठमाडौं । नेकपा एमालेका सचिव योगेश भट्टराईले प्रधानमन्त्री पुष्पकमल दाहाल ‘प्रचण्ड’लाई गीतमार्फत् नै जवाफ फर्काएका छन् ।

प्रधानमन्त्री प्रचण्डले मागेको विश्वासको मतमाथिको छलफलमा बोल्दै सचिव भट्टराईले प्रचण्डलाई गीतमार्फत् नै जवाफ दिएका हुन् ।

जवाफमा आज भट्टराईले उदित नारायण झा र दीपा झाले गाएको र कालीप्रसाद रिजालको शब्दमा रहेको गीतमार्फत् जवाफ फर्काए ।

उनले भने, ‘कसले देला तिमीलाई माया मैले दिए जति, झिक तुलो जोखौं आज कसको माया कति..।’

यसअघि प्रचण्डले एमालेका ८ जना मन्त्रीले गत बुधबार सामूहिक राजीनामा बुझाइरहँदा प्रधानमन्त्री प्रचण्डले फत्तेमान राजभण्डारीले स्वर दिएको र यादव खरेलले रचना गरेको यो गीत सुनाएका थिए ।