एजेन्सी । रुसका राष्ट्रपति भ्लादिमिर पुटिन उत्तर कोरियाको भ्रमणपछि भियतनाम गएका छन् ।

उनी सवार विमान बिहीबार बिहान १ बजेर ४० मिनेटमा हनोईको नोई वाई विमानस्थलमा अवतरण गरेको हो ।

विमानस्थलमा भियतनामका उपप्रधानमन्त्री ट्रान हान्ग हा र कम्युनिस्ट पार्टी अफ भियतनाम (सीपीसी) का केन्द्रीय समितिका प्रमुख ली होआई ट्रंगले पुटिनलाई स्वागत गरे ।

पुटिनले भियतनामका राष्ट्रपति टो लाम, प्रधानमन्त्री फाम मिन्ह चिन्हसहित त्यहाँका शीर्ष अधिकारीसँग वार्ता गर्ने कार्यक्रम छ ।