काठमाडौं । चिकित्सा शिक्षा स्नातक तह अध्ययनका लागि एकीकृत प्रवेश परीक्षाको फारम खुलेको छ ।

चिकित्सा शिक्षा आयोगले बुधबारबाट एकीकृत प्रवेश परीक्षाको आवेदन फारम खुला गरेको हो । आयोगले शैक्षिक सत्र २०८१/०८२ मा चिकित्सा शिक्षा स्नातक तहका विभिन्न शैक्षिक कार्यक्रमहरुका लागि विद्यार्थी छनौट गर्न एकीकृत प्रवेश परीक्षा सञ्चालन गर्दैछ ।

आयोगले एमबीबीएस, बीडीएस, बीएस्सी नर्सिङ, बीएस्सी मिडवाइफ्री, बीएएमएस, बी फार्मा लगायतका स्नातक तहका विषयमा आवेदन माग गरेको हो ।

आयोगले परीक्षाका लागि योग्यता पुगेका ईच्छुक व्यक्तिले बुधबार विहान १० बजे देखि आगामी १८ असार अपरान्ह ५ बजेसम्म अनलाइन आवेदन दिन सक्ने जनाएको छ।

आयोगले १८ देखि २५ असार अपरान्ह ५ बजेसम्म दोब्बर दस्तुर तिरेर आवेदन गर्न सकिने उल्लेख गरेको छ।