काठमाडौं । नेपाली कांग्रेस महामन्त्री गगन थापाले गृहमन्त्री रवि लामिछानेले पार्टीका नेताहरू लक्षित गर्दै दिएको अभिव्यक्तिबारे सरकारसँग जवाफ माग गरेको छ ।

प्रतिनिधिसभामा विशेष समय लिएर बोल्दै महामन्त्री थापाले गृहमन्त्री लामिछानेले लगाएका आरोपहरूको जवाफ माग गरेका हुन् ।

गृहमन्त्री लामिछानेले लगाएका आरोपहरूको अपनत्व प्रधानमन्त्री पुष्पकमल दाहाल ‘प्रचण्ड’ले नै लिनुपर्ने महामन्त्री थापाको भनाई छ ।

महामन्त्री थापाले भने,‘कि प्रधानमन्त्रीले अर्न गर्नुस् । होइन भने सदनबाट हटाउन भन्नुस् । होइन भने प्रधानमन्त्रीसँग हिसाबकिताब लिइन्छ । यही सदनमा लिइन्छ ।’

महामन्त्री थापाले गृहमन्त्री लामिछानेको विवादित अभिव्यक्ति संसद्को रेकर्डबाट हटाउनुपर्ने बताए ।

महामन्त्री थापाले गृहमन्त्री लामिछानेले ‘देशको सूचना बेच्ने एजेन्ट’ भएको सङ्केत गर्दै आफूविरुद्ध दिएको अभिव्यक्ति संसद्को रेकर्ड बाट हटाउनुपर्ने बताए ।