Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । गृह मन्त्रालयले नेपाल प्रहरीका केही डिआइजीको सरुवा गर्ने भएको छ ।
कार्यक्षमतामा कमजोर देखिएका डिआइजीलाई प्रदेशबाट हटाउन लागिएको छ ।
हालै बढुवा भएका चार डिआइजीको पदस्थापन गरी अन्य केहीको जिम्मेवारी हेरफेर हुन लागेको हो ।
कृष्णहरी शर्मा पोखरेल, दानबहादुर कार्की, मनोज केसी र राजन अधिकारीको डिआइजीमा बढुवाको निर्णय भएपनि पदस्थापन भइसकेको छैन । उनीहरुले सोमबार फुली लगाइसकेका छन्।
हाल भरतपुर तालिम केन्द्रमा डिआइजी पद रिक्त छ । उपत्यका ट्राफिकका डिआइजी पोषराज पोखरेलको पनि एक वर्ष अवधि पुग्न लागेकाले उनको पनि सरुवा हुने सम्भावना छ ।
प्रदेशमा राम्रोसँग काम गर्न नसकेका डिआइजीलाई पनि हटाउनेबारे छलफल भइरहेको स्रोत बताउँछ ।
मधेस प्रदेशका डिआइजी यज्ञविनोद पोखरेल सबैभन्दा जोखिममा छन् ।
उनको कार्यशैलीप्रति गृहमन्त्री रवि लामिछाने असन्तुष्ट रहेकाले हटाउने सम्भावना रहेको स्रोत बताउँछ ।
बागमती प्रदेशका विष्णुबहादुर केसी तथा लुम्बिनीका कुबेर कडायतको पनि कमाण्ड बलियो हुन नसकेको रिपोर्ट गृह मन्त्रालय पुगेको छ ।
सोमबार बेलुका नै पदस्थापन र सरुवाको निर्णय गर्ने गृह मन्त्रालयको तयारी छ ।
© 2026 All right reserved to onlinenepal.com
Design & Developed By
