काठमाडौं । प्रधानमन्त्री पुष्पकमल दाहाल ‘प्रचण्ड’ले संसदको गतिरोध अन्त्य गर्न सरकारले पहल गरिरहेको दाबी गरेका छन् ।

आइतबार राष्ट्रियसभाको बैठकमा सरकारको नीति तथा कार्यक्रममाथि उठेका प्रश्नको जवाफ दिने क्रममा प्रधानमन्त्री प्रचण्डले यस्तो दाबी गरेका हुन् ।

उनले विरोधकाबीच नीति तथा कार्यक्रमको छलफल हुँदा नमिठो लागेको भन्दै संसदको गतिरोध अन्त्य गर्न सरकारले पहल गरिरहेको बताए ।

संसदीय छानविन समिति बनाउने विषयमा सर्वसम्मत भइरहेको भन्दै उनले त्यसको कार्यादेशका बारेमा टुंगो लगाउन बाँकी रहेको जानकारी दिए ।