कैलाली । कैलालीमा पुनःस्थापना केन्द्रको छतबाट हाम फालेर एक जनाको मृत्यु भएको छ ।

मंगलबार जिल्लाको घोडाघोडी नगरपालिका-४ भालुफाटास्थित नयाँ बाटो पुनःस्थापना सुधार केन्द्रमा बस्दै आएका २५ वर्षीय सुनिल शाहीको मृत्यु भएको हो ।

उक्त सुधार केन्द्रको एकतले भवनको छतबाट हाम फालि गम्भिर घाइते भएका उनलाई उपचारको लागी घोडाघोडी अस्पताल सुखडमा ल्याएकोमा डाक्टरले चेकजाँच गर्दा मृत्यु घोषणा गरेका थिए ।

घटना सम्बन्धमा इलाका प्रहरी कार्यालय सुखड, कैलालीबाट आवश्यक अनुसन्धान भइरहेको छ ।