दाङ । दाङ लमही नगरपालिका–९ तरुलियामा आगलागी हुँदा एक जनाको मृत्यु भएको छ ।

मृत्यु हुनेमा लमही नगरपालिका ९ तरुलिया निवासी ८७ वर्षीय वीर बहादुर बोटे रहेका छन् ।

बोटेको घर भित्र रहेका अत्यावश्यक कागजात लिन गएका बेला आगोको चपेटामा परेका उनका नाति राजेन्द्र बोटेले बताए। ​

मृतक वीरबहादुर बोटेको गोठबाट सल्किएको आगोले उनको एक घर हुँदै भतिजा पर्ने हुकुमबहादुर बोटेको एक घर गरि दुई घर एक गोठ जलेर नष्ट भएको इलाका प्रहरी कार्यालय अमिलियाले जनाएको छ ।

बिहिवार अपरान्ह ३ बजेको समयमा एक्कासी आगलागी भएको थियो। आगलागीबाट तीन वटा घर गोठ जलेर नष्ट भएका छन्।