काठमाडौं । नेपाल वायुसेवा निगमको वाइडबडीमा प्राविधिक समस्या देखिएपछि दोहातर्फ जाँदै गरेको जहाज त्रिभुवन अन्तर्राष्ट्रिय विमानस्थलमै फर्किएको छ।

२ सय ६५ यात्रु राखेर दोहातर्फ जाँदै गरेको नेपाल एयरलाइन्सको जहाजमा प्राविधिक समस्या देखिएपछि बिहीबार राति काठमाडौंबाट उडेको ४४ मिनेटमै विमानस्थलमा फर्किएको हो ।

अल्फा लिमा यंकीको हाइड्रोलिक सिस्टममा समस्या देखिएपछि चालकदलले १२ बजे राति उडेको वाइडबडीलाई काठमाडौं नै फर्काएका थिए ।

आरए–२३९ उडान नम्बरको उक्त विमानबाट दोहा जाने २ सय ६५ यात्रुलाई राति ३ बजे निगमको अर्को वाइडबी अल्फा लिमा जुलु जहाजमा पठाइएको वायुसेवा निगमले जनाएको छ ।

प्राविधिक समस्या देखिएको जहाजको काठमाडौंमा मर्मत हुँदैछ ।