काठमाडौं । अमेरिका पठाइदिने काठमाडौंमा बन्धक बनाइएका ३० जनाभन्दा धेरैलाई प्रहरीले उद्धार गरेको छ ।

स्थानीयको सूचनाका आधारमा जिल्ला प्रहरी परिसर, काठमाडौंको विशेष टोलीले बुधबार उनीहरुलाई रातोपुल क्षेत्रबाट उद्धार गरेको हो ।

काठमाडौं प्रहरी परिसर स्रोतका अनुसार अमेरिका पठाउने भन्दै पैसा असुल गरेर दलालहरूले रातो पुलस्थित एउटा घरमा ३० जना भन्दा बढीलाई बन्धक बनाइराखिएको थियो ।

३० जनाभन्दा बढीको उद्धार भइसकेको र अझै अप्रेसन जारी रहेको प्रहरीले जनाएको छ । बिचौलियाहरूले उनीहरूलाई घरभित्रै थुनेर यातनासमेत दिने गरेको खुलेको छ ।

उद्धार गरिएकोहरुमा भारतीय नागरिक पनि छन् । यसबारे बिहीबार पत्रकार सम्मेलन गरेर जानकारी गराउने प्रहरीको तयारी छ ।