काठमाडौं । राष्ट्रियसभा सदस्य निर्वाचनको स्थिर समय (मौन अवधि) सुरु भएको छ । गएराति १२ बजेदेखि लागु हुने गरी मौन अवधि सुरु भएको भएको हो ।

सोमबार राति १२ बजेदेखि आसन्न निर्वाचनको प्रचारप्रसार गर्न नपाइने निर्वाचन आयोगले जनाएको छ ।

यो अवधिमा उम्मेदवारका पक्ष/विपक्षमा प्रचार गर्न पाइँदैन ।

कुनै पनि माध्यमबाट मत माग्न, निर्वाचनसम्बन्धी भेला–गोष्ठीलगायत कार्य गर्न नपाइने आयोगले जनाएको छ ।

राष्ट्रियसभाको रिक्त १९ पदका निम्ति यही माघ ११ गते निर्वाचन हुँदै छ ।