काठमाडौं । लुम्बिनी प्रदेश सरकारमा दुई मन्त्री थपिएका छन् । मुख्यमन्त्री डिल्लीबहादुर चौधरीले शनिबार मन्त्रिपरिषद् विस्तार गर्दै कांग्रेसका सरोज थापा र माओवादीका सांसद कृष्णा केसीलाई मन्त्री बनाएका हुन् ।

थापा उद्योग तथा यातायात मन्त्री र केसीलाई सहरी विकास मन्त्रीको जिम्मेवारी दिइएको हो । आइतबार शपथग्रहण गराइने कार्यक्रम तय भएको बताइएको छ ।

प्युठानका थापा कांग्रेस संस्थापन पक्षका सांसद हुन् । उनी प्युठान प्रदेशसभा २ मा विजयी भएका हुन्। उनी फिल्म क्षेत्रमा रोज राणाको नामले चिनिन्छन् । उनी फिल्म निर्माता समेत हुन् ।

यस्तै माओवादीवाट केसीको नाम यसअघि नै पार्टीले सिफारिस गरेको थियो । बाँके जिल्लाको क्षेत्र नम्बर १ बाट विजय केसी यसअघि प्रदेशको विना विभागीय मन्त्री बनेकी थिइन् ।

कांग्रेसको तर्फबाट दाङबाट निर्वाचित डिल्लीबहादुर चौधरी वैशाख १४ गते मुख्यमन्त्री बनेका थिए । तर उनले सरकारलाई पूर्णता दिन सकेका थिएनन् ।