काठमाडौं । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक एवं मेडिकल व्यवसायी दुर्गा प्रसाईंले राजसंस्थाका विषयमा जनमत संग्रह गर्न चुनौती दिएका छन् ।

शनिबार ललितपुरको लगनखेलमा आयोजित सभामा उनले कार्यकारी प्रधानमन्त्री, हिन्दुराष्ट्र, प्रदेश खारेज र राजसंस्थाका विषयमा जनमतसंग्रह गर्न चुनौती दिएका हुन् ।

उनले मुलुकमा स्थायी रूपमा शान्ति कायम गर्न राजतन्त्र आवश्यक रहेको बताए । गणतन्त्रका कारण मुलुकमा स्थायी शान्ति हुन नसकेको उनको दाबी छ ।

साथै प्रसाईंले आफूलाई विभिन्न स्थानमा कार्यक्रम गर्न प्रतिबन्ध लगाइएको बताए ।