नवलपरासी । नेपाली कांग्रेसका महामन्त्री गगन थापाले बाहिरको माहौल देखेर कांग्रेसका नेता तथा कार्यकर्ताहरू आत्तिने नभई सम्हालिनुपर्ने बताएका छन्।

कांग्रेसको नवलपरासी क्षेत्र नम्बर २ को सम्मेलन बुधबार उद्घाटन गर्दै महामन्त्री थापाले यस्तो बताएका हुन् ।

महामन्त्री थापाले भने,‘बाहिरको माहौल जे छ, त्यो माहौल देखेर नेपाली कांग्रेसका साथीहरू आत्तिने होइन। बरालिने पनि होइन। हामी सम्हालिनुपर्नेछ । बदलिएको र बलियो कांग्रेसले बरालिएको अहिलेको अवस्थालाई सम्हाल्ने हो। हामी बलियो बनौं, नबरालिँऔं, समाजभित्रका तमाम कुरा हेरौं, यसबाट सिकौं। सँगसँगै देशलाई सम्हालिएर अघि बढौं।’

महामन्त्री थापाले अब कांग्रेसलाई बदल्ने र बलियो बनाउने बताए। बिग्रेका कुराहरूलाई सम्हालेर लैजानुपर्ने उनले बताए।