दैलेख । युवाहरूबीच झडप हुँदा दैलेखमा एक जनाको मृत्यु भएको छ ।

बिहीवार राति भैरवी गाउँपालिका–४ सिलङ्गी बजारमा भएको झडपमा सुर्खेतको वीन्द्रनगर नगरपालिका–२ का २० वर्षीय किशोर बुढा क्षेत्रीको मृत्यु भएको हो ।

झडपमा घाइते भएका क्षेत्रीको कर्णाली प्रदेश अस्पताल सुर्खेतमा उपचारका क्रममा ज्यान गएको जिल्ला प्रहरी कार्यालय दैलेखले जनाएको छ ।

सैनचौरमा रहेको ससुराली गएका मृतक क्षेत्री र उनका जेठान सुमन शाहीले सिलङ्गी बजारमा मोटरसाइकल गालीगलौज गर्दै हिँडेको विषयमा स्थानीय युवाहरूसँग विवाद भएको र पछि झडप भएको स्थानीयले बताएका छन् ।

गालीगलौज किन गरेको भनी स्थानीयले सम्झाउन खोज्दा झडप भएको बताइएको छ । प्रहरीले घटनाको अनुसन्धान थालेको छ भने आरोपितहरुको खोजी गरिरहेको छ ।