काठमाडौं । सरकारले संघीय शिक्षा ऐन सम्बन्धी विधेयक, २०८० संघीय संसदमा पेश गर्ने निर्णय गरेको छ।

बिहीबार बसेको मन्त्रिपरिषद् बैठकले सो निर्णय गरेको हो ।

संघीय शिक्षा ऐनबारे यसअघि मन्त्रिपरिषद्को बैठकले आवश्यक निर्णय गरेको थियो । तर, त्यसबारे विवाद भएपछि सरकारले सच्याएर पुनः पारित गरेको बताइएको छ ।

यस्तै बैठकले तेजाव तथा अन्य घातक रासायनिक पदार्थ (नियमन) नियमावली, २०८० स्वीकृत गर्ने निर्णय पनि गरेको छ ।