काठमाडौं । उपप्रधान तथा रक्षामन्त्री पूर्णबहादुर खड्काको स्वास्थ्य अवस्था बुझ्न प्रधानमन्त्री पुष्पकमल दाहाल प्रचण्ड छाउनीस्थित सैनिक अस्पताल पुगेका छन् ।

प्रोस्टेट (बीपीएच) को शल्यक्रिया गराएका खड्कालाई अस्पतालमा पुगेर प्रधानमन्त्री प्रचण्डले शिघ्र स्वास्थ्यलाभको कामना गरेका हुन् ।

बुधबार भर्ना भएका उनको सोही दिन शल्यक्रिया गरिएको हो।

अस्पतालका कमाण्डाण्ट प्राविधिक सहायक रथी प्राध्यापक डा. भरतबहादुर भण्डारी नेतृत्वको चिकित्सक टोलीले उनको शल्यक्रिया गरेको थियो।