बागलुङ । बागलुङमा वरिष्ठ नायव निरीक्षक (वरिष्ठ सइ) उज्वल पौडेल मृत फेला परेका छन् ।

इलाका प्रहरी कार्यालय भिमगिठेका इन्चार्ज पौडेल बडिगाड गाउँपालिका ६ स्थित आशा होटलको तल्लो तलामा मृत भेटिएका हुन् ।

बागलुङकी प्रमुख जिल्ला अधिकारी रोशनीकुमारी श्रेष्ठका अनुसार उनी सोमबार राति साढे १२ पासो लगाएको अवस्थामा मृत फेला परेका थिए ।

होटेलको तल्लो तलामा पर्दाको पासो लगाएर झुण्डिएको र होटेल साहुजीको छोराले देखेर काटेको उनले बताइन् । अनुसन्धानका लागि होटेल साहुनी र छोरालाई प्रहरीले चौकी लगेको छ ।