काठमाडौं । सप्तरीमा विद्यालयको पूर्वाधार निर्माण गर्दा खनिएको खाल्डोमा जमेको पानीमा डुबेर बालकको मृत्यु भएको छ ।

मृत्यु हुनेमा सप्तरीको तिलाठी कोईलाडी गाउँपालिका–७ का महादेव खंगका ८ वर्षीय छोरा गोविन्द रहेका छन् ।

गोविन्दको स्थानीय लक्ष्मी बल्लभ नरसिंह उच्च माध्यमिक विद्यालयको पर्खाल निर्माण गर्दा खनिएको खाल्डोमा जमेको पानीमा नुहाउने क्रममा डुबेर सोमबार साँझ डुबेर मृत्यु भएको प्रहरीले जनाएको छ ।

प्रहरीका अनुसार डुबेर मृत्यु भएपछि मात्र उनका अभिभावकले थाहा पाएका थिए ।