ताप्लेजुङ । ताप्लेजुङको बाढीपहिरो प्रभावित क्षेत्रका बाढी पहिरोबाट प्रभावित परिवारले राहत सामाग्री पाउने भएका छन् ।

नेपाली सेनाको हेलिकप्टरबाट सिदिङ्वा गाउँपालिका ६ को मेहेलेमा बुधबार पहिलो राहतको सामाग्री सामग्री पुर्याएको हो ।

प्रदेश सरकारबाट लत्ताकपडा, टेण्ट, भाडाकुडा र स्वास्थ्यका सामाग्री साथै सदरमुकामबाट त्रिपाल, कम्बल, भाडाकुँडा थपेर पठाईएको बताईएको छ ।

मेहेलेमा बाढी र पहिरोबाट विस्थापित बनेका एक सय बढि परिवार स्थानीय निलगीरी माध्यामिक विद्यालयमा आश्रय लिएर बसेका छन् ।

गत शनिबार आएको बाढी पहिरोमा परी सो स्थानमा तीन जनाको मृत्यु भएको छ तीन जना अझै बेपत्ता छन् । मृतकका परिवार तथा आफन्त र बाढी पहिरोबाट प्रभावित अन्य परिवारलाई क्षतिको विवरण हेरेर राहत उपलब्ध गराउने तयारी भईरहेको छ ।