काठमाडौं । साताको अन्तिम कारोबार दिन नेप्से परिसूचक झिनो अंकले वृद्धि भएको छ । आज नेप्से ५ अंकले बढेर२०४२.०७ विन्दुमा बन्द भएको छ ।

बीमा, उत्पादन, होटल र अन्य समूहको शेयर बढेको छ भने अरू सबै समूहको शेयर ओरालो लागेको छ । बजार बढे पनि कारोबार रकममा भने निकै कमी आएको छ ।

बुधबार पाँच अर्बभन्दा बढीको शेयर कारोबार भएकोमा आज घटेर तीन अर्ब १६ करोडमा झरेको छ । एक दिनमै सेयर कारोबार रकम एक अर्ब ८५ करोड रुपैयाँले घटेको छ । सबैभन्दा धेरै शिवम् सिमेन्टको १७ करोड ९३ लाख रुपैयाँको शेयर किनबेच भयो ।

आज कारोबार भएका ७५ कम्पनीको शेयर मूल्य बढेको छ भने १३९ कम्पनीकोे शेयरमूल्य घटेको छ । ९ वटाको शेयरमूलय स्थिर रहेको छ ।