पोखरा । पोखरा महानगरपालिकाले फेवा तालको सिमसार क्षेत्र पुरेर बनाइएको प्लटिङमा भत्काएको छ ।

नगर प्रहरीको टोलीले अनुमति बिना सिमसार क्षेत्रमा गरिएका प्लटिङहरु मंगलबार डोजर लगाएर प्लटिङ भत्काएको हो ।

सिमसार पुरेर व्यवसायी देवेन्द्र केसी र प्रकाश केसीले महानगरबाट कृषि प्रयोजनका लागि जमिन उपयोग गर्ने अनुमति लिई सिमसार क्षेत्र पुरेर घडेरी बनाएका थिए ।

पोखरा महानगरका नगर प्रहरी प्रमुख पुरुषोत्तम थापाका अनुसार मंगलबार ८० रोपनी क्षेत्रमा सिमसार पुरेर बनाइएको घडेरीको संरचना भत्काइएको छ ।

त्यस्तै स्थानीयबासीले भने आफ्नो जग्गा प्लटिङ गर्न पाउनुपर्ने भन्दै आइतबार महानगरमा प्रदर्शन गरेका थिए ।