एजेन्सी । विमान दुर्घटनामा परी हराइरहेका चारजना बालबालिका कोलम्बियाको जंगलमा ४० दिनपछि जीवितै फेला परेका छन् । उक्त विमान दुर्घटनामा दुई पाइलट र ती बालबालिकाका आमाको भने मृत्यु भएको छ ।

कोलम्बियाका राष्ट्रपति गुस्ताभो पेट्रोका अनुसार जीवितै उद्दार हुनेमा १३, नौ, चार र एक वर्षका बालबालिकाहरु रहेका छन् ।

ती चार बालबालिकालाई कोलम्बियाको जंगलबाट उद्धार गरी शनिबार राजधानी बोगोटा पुर्याइएको छ ।

बालबालिका बोकेको कोलम्बियाई सेनाको मेडिकल विमान (०५३० जिएमटी) मा सैन्य विमानस्थलमा अवतरण भएको हो ।