काठमाडौं । आन्दोलनरत लगानीकर्ताहरूले ब्रोकर कार्यालयहरूमा तालाबन्दी गरेका कारण नेपाल स्टक एक्सचेञ्ज (नेप्से) को कारोबार ठप्प भएको छ ।

लगानीकर्ताहरूले ५० वटै ब्रोकर कार्यालयमा टीएमएस बन्द गरिदिएपछि स्वतः स्फूर्तरुपमा कारोबार नहुँदा शेयर कारोबार प्रभावित भएको हो ।

आज प्रि-ओपन सेसनमा कारोबार नै भएन भने  नियमित समयमा पनि एकाधमात्र कारोबार भएको छ ।

सरकारले प्रस्तुत गरेको आगामी आर्थिक वर्ष २०८०–८१ को बजेटमा सेयर कारोबार गर्दा थप कर लगाएको भन्दै लगानीकर्ता आन्दोलित बनेका हुन् ।

विद्यमान पुँजीगत लाभकर दीर्घकालीन ५ र अल्पकालीन ७.५ प्रतिशत नै अन्तिम कायम गर्नुपर्ने अडान लगानीकर्ताले राखेका छन् ।

आन्दोलनरत लगानीकर्ताका प्रतिनिधीहरू र अर्थमन्त्री डा. प्रकाश शरण महतबी अहिले अर्थमन्त्रालयमा वार्ता जारी रहेको छ ।