कञ्चनपुर । कञ्चनपुरमा बयल गाडाले च्यापिएर दुई वर्षीय बालकको ज्यान गएको छ ।

जिल्लाको बेलौरी नगरपालिका ५ रामनगरमा आज (शुक्रवार) बयल गाडाले च्यापिएर अमर सिंह चौधरीको दुई वर्षीय छोरा रेगम सिंह दहित (चौधरी) को मृत्यु भएको हो ।

प्रहरीका अनुसार आफ्नै घर आँगनमा राखिएको बयल गाडामा खेल्ने क्रममा गाडाको अगाडिको भाग उठ्न गई पछाडिको भागमुनि च्यापिएर मृत्यु भएको हो ।

घाइते भएका उनको उपचारको क्रममा मृत्यु भएको हो । घटना सम्बन्धमा आवश्यक अनुसन्धान गरिरहेको प्रहरीले जनाएको छ ।