राष्ट्रपतिको निर्णयविरुद्ध दुई वरिष्ठ अधिवक्ता पुगे सर्वोच्च अदालत

काठमाडौं । नागरिकता विधेयक प्रमाणीकरण संविधानविपरीतको कदम भएको भन्दै त्यसलाई रोक्न मागसहित रिट लिएर दुई वरिष्ठ अधिवक्ता सर्वोच्च अदालतमा पुगेका छन् ।

पुरानो राष्ट्रपतिले रोकेको विधेयक नयाँ राष्ट्रपतिले जारी गर्न नमिल्ने तर्क गर्दै उनीहरु पुगेका अदालत हुन् ।

वरिष्ठ अधिवक्ताद्वय सुरेन्द्र भण्डारी र बालकृष्ण न्यौपानेले बिहीबार नागरिकतासम्बन्धी विधेयक प्रमाणीकरणको विरुद्ध मुद्दा दर्ता गरेका छन् ।

रिटमा राष्ट्रपतिको कदम खारेज गरी नागरिकतासम्बन्धी कानुन संसदीय प्रक्रियाअनुसार बनाउन माग गरिएको छ ।

राष्ट्रपति रामचन्द्र पौडेलले बुधबार नेपाल नागरिकता ऐन, २०६३ लाई संशोधन गर्न बनेको नागरिकता विधेयक प्रमाणीकरण गरेका थिए ।

प्रतिक्रिया दिनुहोस्

नयाँ अपडेट